नालासोपारा :  कर्जबाजारी झाल्याने सुसाट रिक्षा चालवून रिक्षावरील ताबा सुटून रिक्षा नालासोपारा पश्चिमेकडील बौद्ध स्तूपा जवळील तलावात जावून बुडून मृत्यू झाल्याची घटना घडली असून कर्जबाजारीपणाला कंटाळून आत्महत्या केल्याचा प्राथमिक अंदाज व्यक्त केला जात आहे. याप्रकरणी नालासोपारा पोलीस ठाण्यात अकस्मात मृत्यूची नोंद करण्यात आली आहे.पोलिसांनी दिलेल्या माहिती नुसार रिक्षाचालक कोंडीबा मारुती कोंडलकर वय ४० हा त्याची पत्नी मनीषा, मुलगी कोमल वय -१६, सुजाता १५ ,व  मुलगा आदिराज वय १२ असे गेल्या २ वर्षापासून भाड्याने राहत होते. लॉक डाऊन मुळे त्यांची आर्थिक परिस्थिती खूपच खालावली होती. कोंडीबा ला दारूचे व्यसन जडले होते. सुमारे १० ते १२ दिवसांपुर्वी शिवाजी सुळे यास त्याची जुनी तव्हेरा गाडीवर लोन करायचे होते. त्यासाठी जामीन राहण्यासाठी कोंडीबा व गोरेगावकर असे त्यांचेसोबत आगाशी पतसंस्था येथे गेले कोंडीबा यांनी जामीनदार राहण्यास नकार दिला, त्यानंतर ते घरात तसेच इतरांशी काहीएक बोलत नव्हते.कोंडीबा ची पत्नी मनीषा हिने पोलिसांना दिलेल्या जबाबात कोंडीबा दारु पिण्याचे व्यसन होते.आमच्या घरात आर्थिक अडचण होती.कोंडीबा हा शिवाजी सुळे यांच्या तवेरा गाडीकरीता जामीन राहीलेलो आहे, ते मला रद्द करायचे आहे. त्यानंतर सुळे यांनी कागदपत्रे परत करतो असे सांगितले होते.  १३ मार्च २०२१ रोजी रात्री १०.०० वाजता दारु पिवुन घरी आले थोडेसे  जेवुन कोणास काही एक न बोलता झोपले. आज रविवारी दिनांक १४ मार्च २०२१ रोजी पहाटे ०५.०० वाजताचे सुमारास घरात काहीएक न सांगता रिक्षा घेवुन गेले.त्यानंतर सकाळी ०६.०० वाजताच्या सुमारास काका यशवंत पोकळे. यांनी घरी फोन करून कळवले कि सकाळी ०६.०० वाजताच्या पुर्वी रिक्षा जोरात चालवुन जुन्या बौध्द स्तुपाजवळ रोडवरील स्पीडब्रेकरवरुन रिक्षाचा ताबा सुटुन रिक्षासहीत ते पाण्याच्या तलावात जावुन तलावातील पाण्यात पडुन मयत झालेले आहे.कर्जबाजारी झाल्याने हे टोकाचे पाउल उचलले असण्याची शक्यता पोलिसांनी वर्तवली असून शवविच्छेदन अहवाल आल्यानंतर हत्या कि आत्महत्या हे स्पष्ट होईल असे नालासोपारा पोलीस ठाण्याचे वरिष्ठ पोलीस निरीक्षक वसंत लब्धे यांनी सांगितले असून याप्रकरणी नालासोपारा पोलीस ठाण्यात अकस्मात मृत्यूची नोंद करण्यात आली असून पुढील तपास नालासोपारा पोलीस करीत आहेत.